was successfully added to your cart.

Enirio-Doniturrieta en Aralar

Gipuzkoako Foru Aldundia, Mendietako eta Natura Inguruneko Zuzendaritza.

 

AIZKORRI MENDIZALE ELKARTEAk, Jose Martin Arana kalea 2, 20200 Beasain,

“Igaratzako txaboletara mendi bideen egokitzapena, Aralar-en” Proiektuari egindako ALEGAZIOAK.

 

Aizkorri Mendizale Elkarteak adierazten du:

 

  1. Elkarte honek artzainek Aralarren egiten duten lana asko estimatzen duela. Baina artzainen irisgarritasun baldintzak hobetzea ondo iruditzen zaigun arren, uste dugula horretarako aukera bakarra ez dela 3 metro zabaleko pistak egitea 4×4-ak atoiarekin (remolkearekin) ibiltzeko.
  2. Aralar Parke Naturala izateagatik, bere kudeaketaren helburua, natur baliabideak babestu, kontserbatu, leheneratu eta hobetzea dela, bereziki, natur guneak eta flora eta fauna basatiak. Gainera, kudeaketa horren printzipioetako bat bertako paisaien aniztasuna, berezitasuna eta edertasuna babestea dela. (Naturguneen Kontserbazioaren legeak -1989ko martxoak 27, «BOE»núm. 74, de 28 de marzo de 1989-).

Eta abeltzantza tresna bat dela, eta ez bakarra, Aralar kontserbatzeko.

  1. Aralar ondarezko herri-mendia dela, hamabost herrietako jendearena, ez bakarrik sektore batena, eta Enirio-Aralarko Mankomunitateak bakarrik abeltzainen interesak hartu dituela kontuan oraingoan.
  2. Pistak eraikitzeak paisaia degradatzen duela, bere kalitatea eta edertasuna asko kaltetzen dituelako.
  3. Herriko kaleetan kotxeak ibiltzeko trabak jartzen ari diren garai hauetan ez dugula onartzen orain arte pistarik egon ez den Aralarko aldean kotxeak ibiltzen jartzea. Ez dugula aldamenean kotxeak ikustea nahi Aralarrera ibiltzera joaten garenean, kotxeek ez dutelako bakarrik paisaia degradatzen, baita ere bertako giroa motor hotsak sartzearekin.
  4. Instituzioek erabakia hartzeko erabili duten prozedura desegokia ikusita Aralarren pista berriak eraikitzearen aurka dagoela elkarte hau.

Leave a Reply